आरती श्रीगीते ....

हरी वाजव गीता मुरली .....

स्वभाव बदले गीता.....

मुरलीधरा नमितो तुला .....

तुज कथितो आधी दैवी संपदा .......

जाण रे पुरुषोत्तम परमात्मा ......

अर्जुना भक्त प्रिय मजला.....

विभक्त नाही तो भक्त ....

शामसुंदर मज पाहु दे, पाहू दे .....

घे घे विश्वरूपदर्शन .....

ओळखे जो मला, मुक्त तो जाहला....

हृदयांतरी मी श्रीराम ....

मी भाव भुकेला आहे ......

चिन्मय मी परमात्मा मी, हा देह न मी भ्रांत न मी ....

मनुजे असे जगावे की ......

जाण रे आत्मस्वरूप जाण ....

भक्ताला चार अवस्थांमधून जावे लागतेच. आर्त (तळमळीचा), जिज्ञासू, अर्थार्थी (मर्म जाणणारा) आणि ज्ञानी. आत्मतत्त्वाहून वेगळे जगात काही नाहीच. तू भक्त हो, भक्ती कर, ज्ञान मिळव.

जाण रे आत्मस्वरूप जाण ! ध्रु.

सावध असणे मोह टाळणे
तारक आत्मज्ञान ! १
 
याविण काही कोठे नाही
टाकुनिया अभिमान ! २
 
माया दुस्तर, भक्ता नच डर
घालवूनि अज्ञान ! ३       

सर्व विश्व हे वासुदेवमय ज्ञानी भक्तासी .....

शांत हो, शांत हो, शांत होई मना ....

तूच तुझा उद्धार करी ....

आकाशासम होता यावे लेप कशाचा नको नको ......

कवी : श्रीराम बाळकृष्ण आठवले 

ज्ञानाचे ते बळ करिते निर्मळ ..................

भगवंताची आज्ञा म्हणुनी करायचे कर्म ..............

चापबाण घे करी झुंज झुंज पांडवा ........

नेमिले तू कर्म कर रे ......

त्याची प्रज्ञा स्थिरावली......

युद्धसिद्ध हो युद्धसिद्ध हो युद्धसिद्ध पार्था .......

आत्मा अमर आहे .....

मी म्हणू काय रे तुजला, तू पंडित किंवा खुळा.....

मी लढेन म्हणणे चुकले, पाऊल आरंभी अडले...

कृष्ण कृष्ण म्हण येता जाता, कळेल गीता गाता गाता

कृष्ण कृष्ण म्हण येता जाता,  कळेल गीता गाता गाता

तुझ्या मुखी भगवंताचे नाम असू दे. हातात कर्तव्याचा दीप घेऊन वाटचाल करीत राहा. कृष्णच कर्ता हे अनुभवाने पटेल. नामस्मरणाने चित्त सहजच शुद्ध होऊन जाईल. मनानेच मनाला शिकवत जायचे. श्रीहरीच्या भक्ताला कसली आली आहे चिंता? अभ्यास कर. 

कृष्ण कृष्ण म्हणा येता जाता 

कळेल गीता गाता गाता!१ 

कर्तव्याचा दीप घे करी 

रामकृष्णहरि वदो वैखरी

अभ्यासा नित बसता बसता!१ 

मी, माझे हे सहज जातसे 

तू नि तुझे हे स्फुरण होतसे 

कृष्णच कर्ता कृष्ण करविता!२ 

जे तत्त्वी ते ये व्यवहारी 

प्रसन्न होता श्रीगिरिधारी

पार्थ नि माधव एक तत्त्वत:!३ 

चित्त शुद्ध हो नाम स्मरता 

हरिभक्तांना कसली चिंता 

यज्ञस्वरूप जीवन होता!४ 

मने मनाला शिकवित जावे

मन:शांतिचे सुख सेवावे 

हृदयी श्रीगुरु हे जाणवता!५

गीता कळते गाता गाता - भूपाळी

माझ्या वडीलांनी म्हणजे श्री श्रीराम आठवले यांनी लिहिलेले "गीता कळते गाता गाता" हे काव्य या ब्लॉग वर आधीच अपलोड केलेले आहे॰ गीता कळते गाता गाता हे १९८२ चे श्रीकृष्ण प्रकाशन॰ त्याची दुसरी आवृत्ति १९८५ मध्ये निघाली॰  यामागची प्रेरणा कै अण्णा देवधर यांची॰  श्री मोहिनिराज ओंकार यांनी हे संगीतबद्ध केले आणि ही गीतमाला "ओंकार संगीत साधना" तर्फे सादर केली जायची.  याचे ध्वनिमुद्रण मी रोज एक गाणे  याप्रमाणे  गीता कळते गाता गाता या ब्लॉगवर अपलोड करत आहे.  निवेदन अर्थातच श्री श्रीराम आठवले यांचे. 

पहिल्यांदा अर्थात भूपाळी. 

एके दिवशी नित्याप्रमाणे गीता वाचता वाचता गीतेची भूपाळीच स्फुरली. मन उल्हासित झालं. पहाटेच्या प्रसन्न वातावरणात ती नित्य गावी. गीतार्थ उमलून या.

प्रभात झाली येवो उदया गीतार्थाचा रवी 

हृदयी सद्गुरु शिकवो मजला व्यास कवींचा कवी!ध्रु.

 

नको फलाशा कर्म घडावे घे रसने नाम

स्मरण हरीचे करी साधका सहजच निष्काम 

कृष्णच कर्ता कृष्ण करविता तो वदवी लिहवी!१ 

तनु ही येई तशीच जाई हे ध्यानी घेई

आत्मरूप तव सतेज अक्षय तू तुजला पाही 

तोल मनाचा सांभाळावा योगेश्वर स्फुरवी!२ 

नको वैर वा लोभ धनाचा विरक्ती ऐश्वर्य 

निसर्गच तो खरा महात्मा ज्या हृदयी धैर्य 

अनुभव यावा अंगुलि धरुनी श्रीहरी मज चालवी!३ 

सुखदु:खी सम होता यावे हरिशी सहयोग 

भोग भोगुनी सार साधका तो जीवनयोग 

कंटकातले सुमन हासरे सहवासा बोलवी!४

वक्ता माधव श्रोता पांडव श्रवणी समरसता 

जे श्रवले ते कृतीत येण्या आतुर उत्सुकता 

श्रीरामाला माधव सद्गुरु भक्तिमार्ग दावी!५